Bi Tria Basilea het's dank em Alain mächtig gfasnachtet...
Dr Basilet
Liebe Presidänt, darf ich emol störe?
Ich bi dr Basilet mit dr grosse Schnöööre
Spitzed alli emol d’Oehrli
Ich verzell Euch, was gloffe isch das Jöhrli
Die Basilete sind ä eitels Völkli
Mit schöne Libli träniere sie wie uf Wölkli
Zerscht isch ist das Tricot blau und wyss
So wie d’Fahne vo de Zyrcher – simple - ohni Gschyss
Doch denn wogt sich dr Desinger Frank ans Wärk
Und plötzlich hämmer alli Farbe vom Univärs!!!!
Buurereglä
Ä Chrampf, ä Gstöhn, ä Rackerei,
dä Triathlon isch ä Plackerei
Espanoles, Italiano, Schwede und au Schwobe
Baselbieter, Suppeturner, Zürcher, Bündner, Bärner – alli dien sich bi eus ustoobe
So viel Farbe wies uf eusem Tricot git
So viel Mulitikulti mache bi eus mit!
Doch denn, han ich s’welle bstelle
Das tolle Tricot vom Frank, das schnelle
Ich gang ins internet und log mi y
Jo mit Champion System - do bisch derby
wewewee Champion System tipp ich y
d’Syte goht uf – oh jetzt han ich‘s gly
Es foht ah mit dere Uswahl
Läck han ich d’Qual vo däre Wahl
ob XXS, XL, M, L, oder LL
Farbe matt, bright oder ehnder hell
Rot, blau, grien, gäl oder ehnder petrol
Hauptsach - fühlsch Di in däm Tricot wohl
Aermel kurz, mittel oder lang
Für Winter, Summer oder öppe für in Vietnam
Mit Sphaghetti Träger oder ehnder äng
Mit viel Stretch, hey d’Hauptsach es isch schnäll
Denn muesch die Cut no wähle
Trim cut, slim cut, men’s cut – s‘ duet mi eifach quäle
Doch zum Glück git’s dr Nick – dä gross Spezialischt
Dank syner Erfahrig, ist es doch nid so nä Mischt
Er seit mir ganz genau was ich do bruch
Ich schrib’s uf – so dass es passt um mi Buuch:
Petrol blau, Mens cut, Grössi M
Aendlig han‘ ich’s gschafft – läck isch das es Bordell!
Dr Frank, das isch dr gross Triaschör
Alles chunnt zu ihm hei, dass es für uns isch nid so schwer
Är macht Hüffeli, Päckli und duet informiere
Dass me bi ihm d’Bestellig cha cho chercheriere
Alli sind ganz glücklich - bis uf eini
„Hey Frank, hesch Du für mi nid au ä Bstellig - aini?“
„Aber nai, ich ha kei War für di becho“
„Aber, aber, das chann ich nid verstoh!“
„Ich ha mi durequält durch das Internet“
„Usgsuecht, gänderet, bis ich gha ha, was ich wett“
„Doch liebi Sandra lueg doch nomal aneh“
„Bisch du sicher, dass du au hesch welle zahle?
„Keine Gnade für die Wade“ duet dr Sportchef Thömy als sage
Sig’s im Baselbiet oder in Mallorca - Hauptsach ufe und wenig abe
jetzt isch fertig, Schluss und verby
Danke Thömy - nochhär nämme mir no ein uf di!
Buurereglä zwei
Ich bin gspanne uf‘s nägscht Jöhrli
Uf der Motivationsspruch vom Jöhrli
Adios Amigos, Arrividertschi und guet Bei,
jetzte gang ich wieder hei
ich sag danke für hüt z’Obe
und dänket dra - dr‘ Thömy wird uns nümme blooge
by Alain